21 yanvar 2019- cu il tarixdə 234 saylı tam orta məktəbdə «Azərbaycan gəncliyi 2017-2021-ci illərdə» Dövlət Proqramının 5.1.10. bəndinin icrasını təmin etmək məqsədilə 20 Yanvar faciəsinin XXIX ildönümünə həsr olunmuş Güllə atıcılığı üzrə oğlanlar və qızlar arasında Xəzər rayon birinciliyi keçirilmişdir. Tədbirdə 80 nəfər iştirak etmişdir.
Güllə atıcığı üzrə rayon birinciliyində
I yeri: 234 №li tam orta məktəbin komandası
II yeri 26 №li tam orta məktəbin komandası
III yeri 181 №li tam orta məktəbin komandası tutmuşdur.
17 fevral 2019 – cu il tarixdə Şağan Olimpiya İdman Kompleksində Azərbaycan Respublikasının Gənclər və İdman Naziriliyi, Xəzər rayon İcra Hakimiyyəti,Xəzər rayon Gənclər və İdman idarəsi, Azərbaycan Məktəb İdman Federasiyaları, Azərbaycan Cüdo Federasiyası ilə birlikdə Azərbaycanın ərazi bütövlüyü uğrunda şücaət göstərmiş döyüşçülərin gənclər arasında tanıdılması, gənclərin vətənpərvərlik ruhunun yüksəldilməsi məqsədilə Milli Qəhrəman Sərdar Səfərovun xatirəsinə həsr olunmuş 2005 – 2006 – cı il təvəllüdlü məktəblilər arasında Cüdo üzrə açıq turnir keçirilmişdirTurnirin açılış mərasimində Xəzər rayon Gənclər və İdman idarəsinin rəisi Vüqar Əliyev və digər qonaqlar yarış iştirakçılarını salamlamışlar. Turnirdə I,II və III yerləri tutmuş idmançılara medal və medallarla mükafatlandırılmışdır.
4 mart 2019-cu il tarixdə Şağan Olimpiya İdman Kompleksində Xəzər rayon İcra Hakimiyyəti və Xəzər rayon Gənclər və İdman idarəsinin təşkilatçılığı ilə “5 Mart- Bədən tərbiyəsi və İdman Günü”nə həsr olunmuş əl işlərindən ibarət sərgi , bir qrup bədən tərbiyəsi və idman müəllimlərinin və məşqçi müəllimlərin rayonun yeniyetmə və gəncləri arasında idmanın təbliğində göstərdiyi səmərəli fəaliyyətinə görə mükafatlandırması mərasimi və rayonun orta ümumtəhsil məktəblərinin qızlardan ibarət komandaları arasında Voleybol turnirinin final oyunu keçirilmişdir. Turnirin nəticələrinə görə I yeri – 26 saylı tam orta məktəbin komandası, II yeri – 156 saylı tam orta məktəbin komandası, III yer- 149 saylı tam orta məktəbin komandası tutmuşdur.
7 mart 2019-cu il tarixdə 230 saylı tam orta məktəbdə Dövlət Sərhəd Xidmətinin Sahil mühavizəsi,Xəzər rayon İcra Hakimiyyəti və Xəzər rayon Gənclər və İdman İdarəsinin təşkilatçılığı ilə rayon məktəbliləri arasında “Sərhəd” hərbi idman oyunu keçirilmişdir. Yarışa başlamadan öncə 230 saylı tam orta məktəbin vətənpərvərlik mövzusunda şagirdlərin hazırladığı ədəbi-bədii kompozisiyaya baxış keçirilmişdir. Daha sonra tədbirdə iştirak edən qonaqlar – Dövlət Sərhəd Xidmətinin Sahil Mühavizəsinin rəis müavini polkovnik- Elnur Həbibov, Bakı şəhər Təhsil İdarəsinin Təlimə Dəstək Mərkəzinin əməkdaşı Mürsəl Qurbanov,Xəzər rayon Gənclər və İdman idarəsinin rəisi Vüqar Əliyev, Xəzər rayon İcra Hakimiyyətinin əməkdaşı Anar Nəsirov çıxış edərək yarış iştirakçılarını salamlamış daha sonra hərbi idman oyunlarının əhəmiyyətindən danışaraq, yarış iştirakçılarına uğurlar arzu etmişlər. Gərgin mübarizə şəraitində keçən yarışın nəticələrinə görə I yeri – 185 saylı tam orta məktəb, II yeri 230 saylı tam orta məktəb, III yeri 26 saylı tam orta məktəb tutmuşdur. Yarışda mərhələlər üzrə yüksək nəticə göstərmiş komandalar da müvafiq diplomlarla mükafatlandırılmışdır.
16 mart 2019-cu il tarixdə 124 saylı tam orta məktəbin idman bazasında Novruz bayramına həsr olunmuş Sərbəst güləş üzrə uşaq və yeniyetmələr arasında “Bahar turniri” keçirilmişdir.Turnirdə 60 nəfər iştirak etmişdir.
17 mart 2019-cu il tarixdə 5 saylı Bakı Peşə Məktəbinin idman bazasında Xəzər rayon İcra Hakimiyyəti və Xəzər rayon Gənclər və İdman idarəsinin təşkilatçılığı ilə Cüdo idman növü üzrə uşaq,yeniyetmə və gənclər arasında “Bahar turniri” keçirilmişdir.Turnirdə 70 nəfər iştirak etmişdir.
15 aprel 2019-cu il tarixdə 230 saylı tam orta məktəbdə Xəzər rayon məktəbliləri arasında “Şahin” hərbi-idman oyunu keçirilmişdir. Yarışda Xəzər rayon Gənclər və İdman İdarəsinin rəisi Vüqar Əliyev, Azərbaycan Qarabağ Müharibəsi Əlilləri, Veteranları və Şəhid Ailələri ictimai birliyinin Xəzər rayon filialının sədri Səfa Əliyev, Bakı şəhər Təhsil İdarəsinin Təlimə Dəstək Mərkəzinin əməkdaşı Mürsəl Qurbanov, Xəzər-Pirallahı rayonları üzrə Mülki Müdafiə şöbəsinin rəisi Vüsal Fətullayev, Bakı Regional Mərkəzinin Mülki Müdafiə idarəsinin zabitləri Sərxan Həsənov və Rüfət Bayramlı və şagird və müəllim heyəti iştirak edirdilər. Çıxış edən qonaqlar cəsur Şahinlərə uğurlar arzulayaraq, hərbi idman oyunlarının yeniyetmə və gənclərdə vətənpərvərlik və vətəndaşlıq hissinin güclənməsinə müsbət təsir etdiyini vurğulamışlar. Yarış gərgin mübarizə şəraitində keçmiş və nəticələrə görə I yeri – 26 saylı tam orta məktəb, II yeri – 206 saylı tam orta məktəb, III yeri 181 saylı tam orta məktəb tutmuşdur. Qaliblər Xəzər rayon Gənclər və İdman İdarəsi tərəfindən kubok və diplomlarla təltif edilmişdir
28 aprel – 08 may 2019 cu il tarixlərində Affa Futbol Mərkəzi, Azal Arena Stadionunda Ümummilli Lider Heydər Əliyevin Abadan olmasının 96 – cı ildönümünə həsr olunnmuş Futbol üzrə Xəzər rayon turnirinin oyunları keçirilmişdir.Turnirdə ümumlikdə 108 nəfər iştirak etmişdir.Yarış gərgin mübarizə şəraitində keçmiş və nəticələrə görə I yeri – Buzovna Bəladiyyəsi, II yeri – Şüvəlan Bələdiyyəsi, III yeri Mərdəkan Bələdiyyəsinin komandaları tutmuşdur. Qaliblər Xəzər rayon İcra Hakimiyyəti, Xəzər rayon Gənclər və İdman İdarəsi tərəfindən kubok,medal və diplomlarla təltif edilmişdir
2019 – cu il ərzində rayon idmançıları Respublika səviyyəsində bir neçə uğurlar qazanmışdırlar.Belə ki,rayonumuzun 26№-li tam orta məktabinin komandası VMH Poliatlion çoxnövçülüyü üzrə Bakı şəhər çempionatında 3-cü yerə,14 yaşlılardən ibarət Binə komandası olkə çempionatında 2-ci yerə , yeniyetmələrdən ibarət komandamız Sevinc kubokunun Bakı şəhər mərlələsində 1-ci yerə layiq görülmüşlər.
