Salyanda 2 nəfəri it dişləyib.
Oxu.Az-ın bölgə müxbirinin məlumatına görə, hadisə rayonun Qarabağlı kəndində fəaliyyət göstərən “Azər”şadlıq sarayının yaxınlığında qeydə alınıb.
Gəncə şəhərində yaşayan Türkiyə vətəndaşı, 1972-ci il təvəllüdlü Turan Apaydın həmin ərazidə saxladığı maşından düşərkən sahibsiz itlər ona hücum çəkib.
Gəncə şəhər sakini, 1981-ci il təvəllüdlü Babayev Ceyhun Əmrah oğlu kürəkənini itlərin əlindən çətinlikələ də olsa qurtarıb.
Buna baxmayaraq, kürəkən-qayın əl barmaqlarından və ayaqlarından it dişləməsi ilə xəsarət alıblar.
Qohumlar Salyan Mərkəzi Rayon Xəstəxanasına çatdırılıb.
Xəstəxanada tibbi yardım göstərildikdən sonra hər ikisi ambulator müalicəyə buraxılıb.