Sabirabad rayonunun Minbaşı kəndində qatarın iştirakı ilə yol-nəqliyyat hadisəsi baş verib. Hadisə Şirvan-İmişli dəmir yolu xəttinin Şirvan-Salyan avtomagistral xətti ilə kəsişdiyi hissədə qeydə alınıb.
Qatarla toqquşan yük maşını İran İslam Respublikasının vətəndaşı, beynəlxalq yükdaşıma həyata keçirən Seyidrəşid Seyidintizara məxsusdur.
APA-nın yerli bürosunun verdiyi xəbərə görə, hadisə nəticəsində maşında olan 30-40 tona yaxın püstənin bir hissəsi yola dağılıb.
Qatarların hərəkəti müvəqqəti dayandırılıb.
