Ukrayna prezidenti Vladimir Zelenski Çeçenistan rəhbəri Ramzan Kadırovdan üzr istəyib.
Zelenski ilə Kadırov arasında münasibətlər 2014-cü ildə “Kvartal-95” studiyasının rəhbəri olarkən yaranıb. Belə ki, Zelenski müsəlmanlarla bağlı çəkdiyi rolikdə müsəlmanları aşağılayıcı hərəkətlərə yol verib.
Qeyd edək ki, verilişdə Çeçenistan Respublikasının rəhbəri Ramzan Kadırovun duadan sonra 2004-cü ildə terror aktları zamanı həlak olan atası üçün ağladığını əks etdirən kadrlar yayımlanıb. Montaj vasitəsilə Çeçenistan rəhbərinin aşırılan Lenin heykəli üçün ağladığı göstərilib.
Zelenski ilə Kadırovun münasibətlərini Ukraynanın daxili işlər nazirinin müavini Vladimir Yevdokimov və kriminal aləmlə sıx əlaqəsi olan “Moldovan” ləqəbli Yuriy Yerinyak düzəldib.
“Moldovan” Çeçenistanın daxili işlər nazirinin müavini vasitəsi ilə Kadırova çıxış əldə edib və nəticədə Zelenski ilə Kadırov arasında telefon danışığı olub.
Əldə olunan razılığa əsasən, Zelenski Kadırovla görüşə getməli imiş, lakin son anda səfərdən imtina edərək telefonla danışıb. Zelenski hərəkətlərinə görə, müsəlmanlardan və Kadırovdan üzr istəyib.
Onu da qeyd edək ki, “Moldovan” Zelenskinin hərəkətindən narazı qalıb. Bundan sonra Zelenskinin maşını Kiyevin mərkəzində yandırıldı.