Hərbi xadim
| ad = Elsevər Hümbətov
| doğum_tarixi = 23 iyun 1985
| doğum_yeri = İmişli rayonu, Məzrəli kəndi, Azərbaycan
| vətəndaşlığı = Azərbaycan
| xidmət_illəri = 2003–2024 (2007-ci ildən zabit xidməti)
| rütbə = mayor
| qoşun = Azərbaycan Silahlı Qüvvələri
| döyüşlər = İkinci Qarabağ müharibəsi
| təltiflər = Vətənə xidmətlərə görə ordeni (III dərəcə)
”’Elsevər Hümbətov”’ (23 iyun 1985, İmişli rayonu) — Azərbaycan Silahlı Qüvvələrinin zabiti, mayor, Vətən müharibəsi iştirakçısı.
== Həyatı ==
Elsevər Hümbətov 23 iyun 1985-ci ildə İmişli rayonunun Məzrəli kəndində anadan olmuşdur.
1991–2000-ci illərdə şəhid Rafael Əliyev adına Məzrəli kənd orta məktəbində təhsil almışdır. 2000-ci ildə Cəmşid Naxçıvanski adına hərbi liseyə daxil olmuş, 2003-cü ildə oranı bitirmişdir.
Həmin ildə Heydər Əliyev adına Azərbaycan Ali Hərbi Məktəbinə qəbul olunmuş, 2007-ci ildə qoşun kəşfiyyatı ixtisası üzrə məzun olaraq leytenant hərbi rütbəsi almışdır.
2007–2008-ci illərdə Həzi Aslanov adına Silahlı Qüvvələrin Təlim-Tədris Mərkəzində zabit ixtisaslaşdırma kursu keçmişdir.
== Hərbi xidməti ==
Elsevər Hümbətov 2007-ci ildən Azərbaycan Silahlı Qüvvələrində zabit kimi xidmətə başlamışdır.
Xidmət etdiyi müddətdə müxtəlif hərbi hissələrdə aşağıdakı vəzifələrdə çalışmışdır:
Qazax rayonunda yerləşən hərbi hissədə kəşfiyyat taqım komandiri
Ağstafa rayonu Saloğlu qəsəbəsində yerləşən hərbi hissədə kəşfiyyat bölük komandiri
Tərtər rayonunda yerləşən hərbi hissədə qərargah rəisinin köməkçisi
Yevlax rayonu Aran qəsəbəsində yerləşən hərbi hissədə kəşfiyyat rəisinin müavini və daha sonra kəşfiyyat rəisi
Kəlbəcər rayonunda yerləşən hərbi hissədə kəşfiyyat rəisi
2024-cü ilin iyul ayında Azərbaycan Ordusu sıralarından tərxis olunmuşdur.
== Döyüş yolu ==
Elsevər Hümbətov 2020-ci ildə baş vermiş İkinci Qarabağ müharibəsi zamanı Talış–Suqovuşan istiqamətində gedən döyüşlərdə iştirak etmişdir.
Müharibənin ilk günlərində tabeliyində olan kəşfiyyat bölüyü ilə ön xəttin yarılması əməliyyatlarında iştirak etmiş, minalanmış ərazilərdən keçidlərin açılmasını təmin edərək düşmən mövqelərinə qarşı basqın əməliyyatları həyata keçirmişdir. Onun rəhbərliyi ilə strateji əhəmiyyət daşıyan bir neçə mühüm mövqe ələ keçirilmişdir.
Həmin əməliyyatlar zamanı minaatan atəşi nəticəsində ağır yaralanmışdır.
2021-ci ildə Laçın rayonunda baş verən silahlı insident zamanı, 2022-ci ildə Kəlbəcər rayonunun dövlət sərhədində yerləşən Kömürdağ istiqamətində keçirilən əməliyyatlarda və KS-15 mövqe döyüşlərində mövqe döyüşlərinə rəhbərlik edərək birbaşa iştirak etmişdir.
2022-ci ildə Azərbaycan Ordusu tərəfindən həyata keçirilən “Qisas” əməliyyatı zamanı briqada kəşfiyyat rəisi kimi fəaliyyət göstərmişdir.
2023-cü ildə keçirilən lokal antiterror tədbirləri zamanı Kəlbəcər istiqamətində yerləşən briqadada kəşfiyyat rəisi kimi xidmət etmişdir.
== Təltifləri ==
Elsevər Hümbətov Azərbaycan Respublikasının dövlət təltiflərinə layiq görülmüşdür:
“Vətənə xidmətlərə görə” ordeni (III dərəcə)
“Suqovuşanın azad olunmasına görə” medalı
“Vətən müharibəsi iştirakçısı” medalı
Bundan əlavə, Azərbaycan Respublikası Müdafiə Nazirliyi tərəfindən:
“Qüsursuz xidmətə görə” III, II və I dərəcəli medallar
Azərbaycan Ordusunun 90, 95 və 100 illik yubiley medalları
ilə təltif olunmuşdur.
== Sonrakı fəaliyyəti ==
Hərbi xidmətdən tərxis olunduqdan sonra Elsevər Hümbətov COP29 tədbiri çərçivəsində təhlükəsizlik sahəsində fəaliyyət göstərmişdir.
O, COP29 əməliyyat şirkətinin təhlükəsizlik və kütləyə nəzarət departamentində koordinator vəzifəsində çalışmışdır.
== Şəxsi həyatı ==
Elsevər Hümbətov ailəlidir, iki övladı — bir oğlu və bir qızı var.